នាយឧត្តមសេនីយ៍រងលោក Soe Win មេដឹកនាំលំដាប់ថ្នាក់ទី២ របស់របបយោធាដែលដណ្តើមអំណាចពីរដ្ឋាភិបាលជាប់ឆ្នោតរបស់អ្នកស្រី Suu Kyi កាលពីខែកុម្ភៈបាននិយាយថា ការអនុញ្ញាតឱ្យជនបរទេសចូលជួបអ្នកដែលត្រូវបានចោទប្រកាន់ ពីបទឧក្រិដ្ឋ គឺជាការបំពានលើច្បាប់ក្នុងស្រុក។
រដ្ឋាភិបាលចិន បានប្រាប់ក្រុមគ្រួសារឲ្យរក្សាទុកនូវរបស់របរប្រចាំថ្ងៃសំខាន់ៗនៅក្នុងផ្ទះ ក្នុងករណីគ្រាអាសន្ន បន្ទាប់ពីការផ្ទុះឡើងនូវជំងឺកូវីដ១៩ និងការធ្លាក់ភ្លៀងខុសពីប្រក្រតីដែលបណ្តាលឲ្យតម្លៃបន្លែឡើងថ្លៃយ៉ាងខ្លាំងដោយធ្វើឲ្យមានការព្រួយកង្វល់អំពីការផ្គត់ផ្គង់មិនគ្រប់គ្រាន់។
គណបក្សប្រឆាំងដ៏ធំបំផុតមួយនៅក្នុងប្រទេសថៃ បានអំពាវនាវឲ្យសភាថៃពិនិត្យមើលឡើងវិញនូវការប្រើប្រាស់ច្បាប់សន្តិសុខរបស់ប្រទេសនេះ ដែលក្នុងនោះ ក៏រួមមានច្បាប់ប្រមាថរាជវង្សានុវង្សថៃដ៏តឹងរឹងផងដែរ បន្ទាប់ពីមានការកើនឡើងនូវការចាប់ក្រុមអ្នកប្រឆាំងនឹងរដ្ឋាភិបាលថៃ។
មន្ត្រីយោធាម្នាក់នៅក្នុងទីក្រុងសេអ៊ូលបាននិយាយថា កូរ៉េខាងត្បូង និងសហរដ្ឋអាមេរិក បានចាប់ផ្តើមសមយុទ្ធផ្លូវអាកាសរួមគ្នានៅថ្ងៃចន្ទ ចំពេលមានភាពតានតឹងទាក់ទងនឹងការបាញ់មីស៊ីលសាកល្បងនាពេលថ្មីៗរបស់កូរ៉េខាងជើង និងការអំពាវនាវឱ្យចាប់ផ្តើមឡើងវិញនូវកិច្ចចរចាលុបបំបាត់
ប្រធានាធិបតីចិនលោកXi Jinping នឹងចូលរួមក្នុងសន្និសីទកំពូលរបស់មេដឹកនាំក្រុមប្រទេសអ្នកមានចំនួន២០ ឬ G-20 នៅក្នុងទីក្រុងរ៉ូម ប្រទេសអ៊ីតាលី ពីថ្ងៃទី៣០ដល់ថ្ងៃទី៣១ខែតុលានេះ តាមការភ្ជាប់វីដេអូ។
ភាពតានតឹងរវាងតៃវ៉ាន់និងចិនដែលថា ចិនអាចនឹងវាយយកតៃវ៉ាន់ដោយកម្លាំង បើចាំបាច់នោះ បានកើនឡើងក្នុងប៉ុន្មានសប្តាហ៍ថ្មីៗនេះ ខណៈដែលរដ្ឋាភិបាលក្រុងប៉េកាំងបង្កើនសម្ពាធផ្នែកយោធា និងនយោបាយ។
លោកប្រធានាធិបតី Joe Biden ត្រូវបានគេរំពឹងថា នឹងធ្វើដំណើរទៅកាន់ទ្វីបអឺរ៉ុបដោយគ្មានកិច្ចព្រមព្រៀងស្តីពីវិធានការទប់ទល់ការប្រែប្រួលអាកាសធាតុ ខណៈដែលគណបក្សប្រជាធិបតេយ្យដែលបែកបាក់គ្នាយ៉ាងខ្លាំងនៅក្នុងសភា មានឱកាសតិចតួចព្រមព្រៀងគ្នាកាលពីថ្ងៃពុធលើកិច្ចព្រមព្រៀងចំណាយដ៏ទូលំទូលាយ។
សេតវិមានបាននិយាយកាលពីល្ងាចថ្ងៃចន្ទថា ទីប្រឹក្សាសន្តិសុខជាតិសហរដ្ឋអាមេរិកលោក Jake Sullivan កាលពីថ្ងៃចន្ទ បានជួបជាមួយតំណាងរដ្ឋាភិបាលឯកភាពជាតិរបស់ប្រទេសមីយ៉ាន់ម៉ា ដែលបង្កើតឡើងដោយក្រុមអ្នកប្រឆាំងការដឹកនាំរបស់របបយោធា។ នេះ បើតាមទីភ្នាក់ងារព័ត៌មាន Reuters។
មន្ត្រីសហរដ្ឋអាមេរិកមួយរូប កាលពីថ្ងៃចន្ទ បានបញ្ជាក់ថា ការប្រឹងប្រែងដើម្បីស្តារកិច្ចព្រមព្រៀងអាវុធនុយក្លេអ៊ែរអ៊ីរ៉ង់ឆ្នាំ២០១៥ កំពុងស្ថិតក្នុងដំណាក់កាលដ៏សំខាន់ ហើយរដ្ឋាភិបាលក្រុងតេហេរ៉ង់ មានហេតុផលតិចតួចក្នុងការមិនចូលរួមចរចារ។
អាស៊ានបានសម្រេចដកមេដឹកនាំរបបយោធាលោក Min Aung Hlaing ចេញពីកិច្ចប្រជុំកំពូលអាស៊ាននៅពេលខាងមុខ។ ក្រុមប្រឆាំងស្វាគមន៍ការសម្រេចនេះ និងស្នើសុំឱ្យអាស៊ានអញ្ជើញខ្លួនជាតំណាងស្របច្បាប់របស់មីយ៉ាន់ម៉ាក្នុងកិច្ចប្រជុំកំពូលអាស៊ាននៅពេលខាងមុខ។
រដ្ឋមន្ត្រីការបរទេសម៉ាឡេស៊ីលោក Saifuddin Abdullah បានបញ្ជាក់នៅថ្ងៃចន្ទនេះថា ប្រទេសម៉ាឡេស៊ីនិងឥណ្ឌូណេស៊ី មានការព្រួយបារម្ភអំពីការសម្រេចរបស់ប្រទេសអូស្ត្រាលីនៅក្នុងការទិញនាវាមុជទឹកដើរដោយថាមពលនុយក្លេអ៊ែរ។
មេដឹកនាំរបបយោធាមីយ៉ាន់ម៉ាលោក Min Aung Hlaing បាននិយាយនៅថ្ងៃចន្ទនេះថា របបយោធាដែលកំពុងកាន់អំណាច បានតាំងចិត្តដើម្បីសន្តិភាពនិងលទ្ធិប្រជាធិបតេយ្យ ហើយថា សមាគមអាស៊ាន (ASEAN) គួរតែពិចារណាលើការបង្កហេតុ និងអំពើហិង្សាដែលប្រព្រឹត្តិឡើងដោយក្រុមប្រឆាំងនៅមីយ៉ាន់ម៉ា។
ប្រភពមួយចំនួនបានឲ្យដឹងថា រដ្ឋមន្ត្រីការបរទេសនៃបណ្ដាប្រទេសអាស៊ាន (ASEAN) នឹងពិភាក្សាគ្នានៅថ្ងៃសុក្រស្អែកអំពីការដកមេដឹកនាំរបបយោធាមីយ៉ាន់ម៉ាលោក Min Aung Hlaing ចេញពីកិច្ចប្រជុំកំពូលអាស៊ាននៅពេលខាងមុខ។ នេះបើយោងតាមសេចក្ដីរាយការណ៍របស់ទីភ្នាក់ងារព័ត៌មាន Reuters។
ក្រសួងការពារជាតិកោះតៃវ៉ាន់កាលពីថ្ងៃពុធ បានព្រមានពីវិធានការឆ្លើយតបខ្លាំងៗវិញទៅកាន់ប្រទេសចិន ប្រសិនបើកងកម្លាំងរបស់ចិន បានខិតមកជិតដែនកោះរបស់ខ្លួន។
ជំនួបនៅឯសេតវិមាននេះគឺជាលើកទី១របស់លោក Biden ក្នុងនាមជាប្រធានាធិបតីអាមេរិកជាមួយមេដឹកនាំមួយរូបមកពីទ្វីបអាហ្វ្រិក។
ដោយទំនាក់ទំនងក្រោយសង្គ្រាមត្រជាក់ បានធ្លាក់ដល់កម្រិតទាប រុស្សីនិងសហរដ្ឋអាមេរិក កំពុងមានជម្លោះទាក់ទិននឹងបេសកកម្មការទូតរបស់ខ្លួន ដែលក្នុងនោះក៏រួមមានចំនួនអ្នកការទូត ដែលត្រូវបញ្ជូនទៅធ្វើការនៅក្នុងស្ថានទូតរបស់ខ្លួននៅក្នុងរដ្ឋធានីនៃប្រទេសទាំងពីរផងដែរ។
ទីភ្នាក់ងារព័ត៌មាន KCNA ក៏បានរាយការណ៍ផងដែរថា លោក Kim Jong Un បានថ្លែងនៅក្នុងសុន្ទរកថានៅឯពិព័រណ៍អភិវឌ្ឍន៍ផ្នែកការពារជាតិកាលពីថ្ងៃចន្ទថា រដ្ឋាភិបាលទីក្រុងព្យុងយ៉ាងបង្កើនកម្លាំងទ័ពដើម្បីការពារខ្លួនប៉ុណ្ណោះ មិនមែនដើម្បីផ្ដើមសង្គ្រាមនោះទេ។
រដ្ឋមន្ត្រីក្រសួងការពារជាតិម៉ាឡេស៊ីថា ម៉ាឡេស៊ីសង្ឃឹមថាមានការឯកភាពគ្នាច្បាស់លាស់មួយក្នុងចំណោមបណ្ដាប្រទេសនៅក្នុងតំបន់អាស៊ីអាគ្នេយ៍ទាក់ទិននឹងរឿងកិច្ចព្រមព្រៀង AUKUS ដែលជាកិច្ចព្រមព្រៀងសន្តិសុខថ្មីសម្រាប់តំបន់ឥណ្ឌូប៉ាស៊ីហ្វិករវាងអូស្ត្រាលី អាមេរិក និងអង់គ្លេស។
ទីភ្នាក់ងារព័ត៌មានមជ្ឈិមកូរ៉េ (KCNA) របស់ប្រទេសកូរ៉េខាងជើងបានរាយការណ៍នៅថ្ងៃចន្ទនេះថា មេដឹកនាំកូរ៉េខាងជើងលោក Kim Jong Un បានជំរុញមន្ត្រីក្រោមឱវាទឲ្យផ្តោតលើការលើកកម្ពស់ជីវភាពរស់នៅរបស់ប្រជាពលរដ្ឋ ខណៈសេដ្ឋកិច្ចមានស្ថានភាព «មិនល្អ»។
ការរាប់សន្លឹកឆ្នោតកំពុងបន្តធ្វើឡើងនៅក្នុងប្រទេសអ៊ីរ៉ាក់បន្ទាប់ពីពលរដ្ឋដែលចេញមកបោះឆ្នោតកាលពីថ្ងៃអាទិត្យម្សិលមិញមានចំនួនទាបបំផុតមិនដែលមានពីមុនមក ដែលនេះឆ្លុះបញ្ចាំងឲ្យឃើញពីការបាត់បង់ជំនឿលើដំណើរការប្រជាធិបតេយ្យនិងអ្នកនយោបាយរបស់ប្រទេសនេះ។
ព័ត៌មានផ្សេងទៀត
